تحميل رواية عيون لا تعرف النوم pdf – بامبولينا
تحميل رواية عيون لا تعرف النوم pdf – بامبولينا لفت ذراعيها حول ظهره تتشبث به قائلة بصوت مرتجف من شدة البكاء : بحبك والله بحبك
نزع ذراعيه عنها بعنف صائحا بها : ولك بكرة عرسي بتعرفي شو يعني عرسيييي التفت إليها رافعا أصبعه محذرا : أوعك يا سراب اللي قولتي هلأ ترجعي تعيدي وإلا راح يكونلي معك تصرف تاني!
رفعت كفيها لوجهها تجهش ببكاء قطع نياط قلبه وهي تقول بكلمات متقطعة فهمها بصعوبة : مش بإيدي والله مش بإيدي … بموت لما بشوفك معها .. ترجته بطفولية مست قلبه : اتركها يا أحمد اتركها وأنا مستعدة أكون الك من هاللحظة!
شهق احمد بعنف صائحا بها : سراااااب!
ناجته هامسة : شوفيها أحسن مني آآه؟ صدقني يا أحمد بعمرك ما راح تلاقي وحدة تحبك قدي
اشفق عليها من نفسها قائلا : ولك انت سبعة عشر سنة لسة ما كملتيهم … انت بتجنني وحلوة ودمك زي العسل بس بعدك صغيرة .. مشاعرك هاي بكرة بتتغير و بتصيري تضحكي عحالك … والأهم من هاد كللو انو إنا بحب دلال وأنت عارفة هالحكي منيح