تحميل وتنزيل رواية صلاة الممسوس pdf – حسن الجندي
تحميل رواية صلاة الممسوس pdf – حسن الجندي إلى ذلك الفتى الباكي الذي تركه معلِّمه وحيدًا في القبر ليلًا، حاولتَ التخلُّص من خوفك ممَّا يحيط بك.. ونسيتَ أن تخاف ممَّا بداخلك.
رحلة مختلفة تمامًا رجعتنا تاني للغرفة النحاسية و(الجساس) لكن باختلاف الأبطال، مع دمج تاريخي عظيم جدًا لأيام الدولة المملوكية والخلافة، وثعلبة الأمراء واللي ظهر أوي خلال الرواية بحث واجتهاد الكاتب الشديد ليها واللي قدمهولنا بطريقة مميزة وربطها بعالم الجان، وكمان ربط أحداثها بحاضر الرواية بدون ما يفلت ولا خيط.
بتبدأ أحداث الرواية مع (بودي) الولد الصغيّر اللي أبوه وأمه منفصلين وفجأة بيفقد والدته وبيضطر يعيش مع باباه، وكعادة الأطفال بالليل “الخوف” -واللي قدر يجسده أ/ حسن الجندي وشرح مشاعر الطفل بصدق لدرجة إن أنا انعكس عليا ده أثناء القراءة- المهم إن (بودي) بسبب خوفه قرر يطلع يتفرج شوية على التليفزيون أثناء نوم والده ومن حظّه العثر، بيسمع أصوات غريبة خارج البيت فَ بيطلع يبص من العين السحريّة عشان يشوف أشكال غريبة قصاده لا تمت للبشر، ويشوف واقعة أدت لتغيير كل الأحداث بعد كده، وهي مقتل عائلة بأكملها- ما عدا ابن واحد فقط- وبيكون هو الشاهد الوحيد عليها.
رواية صلاة الممسوس – حسن الجندي
الكاتب أبدع جدًا في رسمه من أول ما بدأ بطفولته لغاية ما كبر، واللي عرف جدًا إنه يكون شخصيته صح وإن فعلًا شخصيته لما كبر كانت عبارة عن دمج كبير لكل ما مرّ بيه في الماضي فَ طلع تفاصيلها وأفعالها صح وده شيء كويس جدًا.
بيطلع (سليم) هو الناجي الوحيد وبيعرف أن (بودي) هو الشاهد وبيقرر يستغله عن طريق قرينه عشان يقدر يوصل لحقيقة مقتل عيلته، وبتمرّ الأحداث (وبودي) بيلاقي نفسه في مواجهة كائن مفيش حد قدر يتحكم فيه ولا يواجهه ولا إنه يسيطر عليه، وهو الشخص الوحيد اللي هيقدر يواجهه.. ليه بقى؟ ده اللي هنعرفه من الرواية.
من أكتر إيجابيات الرواية هو التطور الملحوظ جدًا في أسلوب الكاتب، وفي لغته وأنا صراحه كنت مستمتعة جدًا بيها وماتوقعتش إني اقرأ لغة زي دي للجندي وإن اللغة رغم فصاحتها إلا إنها كانت سلسة وكانت غير معقدة وماقلتش أبدًا من حجم الرعب وقدر اوي الكاتب انه يوصل المشاهد والأحداث صح.
