تحميل رواية المحتال pdf – محمد أمير
تحميل رواية المحتال pdf – محمد أمير
بتبدأ قصة حافظ نجيب بأبوه وهوا صغير اللي هوا “محمد بك نجيب” واللي كان وقتها لسة صغير بيلعب قدام دكان ابوه “حسن السداوي” في حي الأزهر زي اي طفل، ماسك لعبة النحلة وبيدحرجها كدة فا خرجت منه عالطريق، جري وراها عشان يمسكها بسرعة فا جه حنطور وكان هيدوسه علي آخر لحظة وقف، كان راكب العربية باشا تركي راجع من صلاة الجمعة واتضايق جدا من اهمال ابوه ليه، فا اكر السايس انه ينزل من الحنطور وياخد العيل الصغير ده معاه، وفعلا اخده وركب الحنطور ومشي،ابو محمد نجيب مصدقش اللي بيحصل ده، الواد اتخطف، صرخ في الناس والحقوني وبتاع والناس جريت عليه وراحوا جاريين ورا الحنطور عشان يجيبوا الواد، فضلوا يجروا لحد ما الحنطور وصل قصر عملاق في السيدة زينب من اللي متحاوط بميّة وجسر متحرك، ودخل الحنطور القصر، فضل اهل الواد والجيران والناس تزعق من برة القصر وتنده عالباشا صاحب القصر لحد ما خرجلهم خدام وطلب من ابوه انه يدخل للباشا يقابله.
رواية المحتال – محمد أمير
الباشا كان تركي، وقابله وبكل برود قاله عن طريق المترجم ان ابنك دا نعمة من ربنا انتا مصونتهاش، وعليه انا قررت اخده اربيه، طبعا ابوه استغرب واتعصب وده ميرضيش ربنا طب انا هشتكي لأفندينا الخديوي اسماعيل، راح الباشا التركي أمر الحرس يجلدوه ويرموه برة، وفعلا حصل والولد اللي هوا محمد نجيب عاش في القصر مع الباشا،
عدت الايام ومحمد نجيب عايش وسط طبقة الملوك والارستقراطيين حياة رفاهية مستقرة، اتسمحله يقابل ابوه كل فترة وبعدين بقا يقضي اجازة الاسبوع كلها في بيت اهله، اتعلم الفروسية واللغات واحسن اكل واحسن تعليم وكمان دخل الجيش واترقى لحد ما بقا واحد من ضمن الحرس الخاص للخديوي، والباشا اللي رباه من فرحته بيه قرر انه يجوزه بنته التركية ملك هانم يعني كل العز ده هيبقا معاه.
